Kentucky Fried Chicken a haci un donacion di 4900 florin na Fundacion Ban Uni Man pa cria nos muchanan, cu sigur lo yuda mas 100 mucha pa haya nan desayuno na scol pa henter un aña. E ceremonia a tuma luga na nan restaurant nobo situa den La Sallestraat. Un bon aporte na e organisacion pa por sigui yuda muchanan den necesidad.
Restaurant nobo
Segun Johana Jacobs, e establecimento aki a habri na fin di October, despues cu nan a muda for di nan edificio bieu den Hendrikstraat. Mirando kico e clientenan tabata pidi nan, a dicidi pa muda pa un localidad nobo. Esaki ta un espacio hopi mas grandi. Nan tin un veranda pafo, tin un drive thru, cual no tabata posibel den Hendrikstraat. Tin mas espacio pa parkeer. Tur esaki a bin extra y riba dje, a traha un playground.
Introduccion di biscuit bites
KFC ta bay bek na loke ta nan raisnan. E biscuit semper ta un producto cu nan tin como un side. Pero e biaha aki a traha un postre di dje. Awo tin tres opcion. Bo ta haya uno cu cinamon sugar. Tambe bo por pone stropi riba dje y si bo ta desea, bo por pone sugar powder. Tambe tin cu bo por pone chuculati riba dje. Pa e temporada di dianan di fiesta, tin un adorno special.
