Devi Dev, artista antiyano urbano na Hulanda, tin mas o menos seis aña sin bin bishita Aruba. “E ta dushi, chill ohm,” Devi Devi ta expresa riba con e ta sinti pa ta bek riba isla despues di tanto tempo.
Diasabra anochi 4 di november na The Venue, Devi Dev ta cla pa presenta su hitnan hunto cu Titorasz, Groove Masters, y tambe Ritmo Real & Band, Rapi y un special guest. Ta bay conta cu musica di DJ Menol y DJ Kash pa un ambiente cu bo sigur no por perde. Entrada general ta AWG. 45 obtenibel na CITGO Boulevard, CITGO Essoville y Pay.aw. Esaki ta un evento 18+.
Banda di esaki lo tin un Teens Event, 13+, ‘Sneakers & Gala’ diadomingo awor 5 di november for di 2:00 pm pa 7:00 pm na The Venue pa esnan mas hoben bin disfruta. Akinan Devi Dev y Titorasz lo presenta, hunto cu Groove Masters, Clout, Freddy Rasta y Tip Toe, compaña pa musica di DJ Menol, DJ Devin y Nutzbeatz.
“Corda semper sea bo mes, sa sigur ki bo kier, y corda cu tur cos cu bo graba ta keda pa semper, dus semper para tra’i di ki bo ta bisando,” segun Devi Dev.
