Djasabra 28 di yüli 2018 alrededor di 02.40 or di mardugá, Sentral di Polis a risibí notifikashon di un kaso di menasa ku arma di kandela ku a tuma lugá na Cariacaoweg.
Despues di e akto e sospechoso a bai for di e sitio den un vèn blanku. Polis a hasi un búskeda den e área i lokalisá e vèn blanku riba Trinidadweg. Durante kontrol den e vèn polis a haña i konfiská seis(6) bala skerpí. Alrededor di 03.10 or polis a detené shofùr di e vèn, e hòmber R.X.D. nasé na Kòrsou di 21 aña di edat, pa violashon di Lei di Arma di Kandela. Tambe polis a tene entrada hudisial na kas di e sospechoso.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
