Recientemente den luna di Juli tres pais cu comunidadnan grandi na Aruba a celebra nan dia di independencia, respectivamente Venezuela, Colombia y Peru.
Fraccion di AVP ta manda felicita cada un ciudadano di e paisnan aki cu ta biba y contribui positivamente na desaroyo di nos isla. Cada un di e comunidadnan aki tanto di Venezuela, Colombia como di Peru a sa di contribui grandemente na nos mercado laboral y tin varios negoshi especialmente den e mundo gastronomico. Ta importante y bunita pa wak cu e comunidadnan aki ta mantene nan tradicionan y cultura bibo pero alavez ta orguyoso di por integra y forma parti di Aruba. Un isla cu ta multicultural y cu tin hopi famia cu raiznan di paisnan Latino Americano, especialmente e tres paisnan menciona. E partido di pueblo Arubano semper a balora y respeta un y tur cu ta biba ariba nos dushi isla y nunca a discrimina ni pa color politico, rasa of otro pensamento. Integracion semper tawata halto ariba agenda di AVP pa tur cu ta biba y contribui positivamente na Aruba pa tur por biba liber y por hiba un bida digno y nan derechonan humano wordo respeta. Te ainda e gobierno di MEP-POR-RED no kier asumi su responsabilidad pa traha na bienestar di Aruba y su conciudadanonan. Durante campaña a tende e miembronan di e gabinete actual cu demasiado promesa cu ningun a ser cumpli, al contrario ta sota riba herida e pueblo y tur cu a kere cu por hasi yamado humanitario riba e gobierno actual ta hañando.
