Djasabra 28 di yüli 2018, alrededor di 09.04 or di mainta, Sentral di Polis a haña notifikashon ku na Lagun tin un aksidente di tráfiko ku herido.
Na yegada di e patruya polisial nan a bin topa ku un vehíkulo ku a dal den un palu di lus i kurá di un kas. For di investigashon ku polis a hasi na e sitio a resultá ku un outo tabata kore riba kaminda di Lagun den direkshon di Westpunt. Problablemente dor di velosidat haltu, shofúr di e vehíkulo a perdé kontrol riba stür net den un bogt i a dal kontra di palu di lus i muraya di un kas. Dor di e impakto aki e shofúr a keda pegá den e vehíkulo i dos otro
okupante a risibí leshonnan na kurpa. Personal di Brantwer a presentá na e sitio i a korta porta di e vehíkulo pa asina por a saka e shofùr for di den e vehíkulo. Ambulans a transportá tur tres víktima pa poliklínika di SEHOS pa tratamentu médiko. Tambe polis a konfiská e vehíkulo pa mas investigashon.
Departamentu di Tráfiko ta kontinuá ku e investigashon.
