Djamars 30 òktober 2018, alrededor di 18.00or di atardi, personal di Mantenshon di Òrden Públiko, riba òrdu di Ministerio Públiko a detené un hòmber sospechoso.
E detenshon ta relashoná ku ladronisia ku violensia ku morto ku a tuma lugá dia 5 òktober 2017.
Ta trata di e hòmber sospechoso J.F.D., nasé na Kòrsou di 38 aña di edat. Detenshon a tuma lugá na un altura di un minimarket den e área di Rooi Santu.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
