Pa un tempo caba Recherche di Santa Cruz ta investigando un caso di destruccion. A compila datonan, a papia cu testigonan y a sinta analisa e crimen cometi y al fin a logra haya indicacion di un posibel sospechoso den e caso di destruccion.
Ministerio Publico mesora a duna orden di detencion pa un persona masculino di inicial F.A. bou di e sospecho di a comete destruccion na propiedad di otro.
Esey a pone cu polisnan a tene nan wowo habri den buskeda pa e sospechoso aki.
Awe un patruya di Santa Cruz atento a logra localisa e sospechoso aki na un adres na Piedra Plat y mesora a detene. Cu transportwagen a hib’e warda di Santa Cruz pa asina e duna cuenta di su actonan.