Diabierna marduga, pasa di 12:00 am, polis a bay cu urgencia na un adres na Nuñe pa un pelea cu a bay fo’i man y cu lo tabatin un persona malamente herida cu cap na cabes.
No menos cu cuater patruya a presenta n’e sitio den un rat’i ora pa asina tuma rienda di e situacion. N’e luga, a bin topa cu dos hende homber herida, un mas cu e otro. Segun informacion fo’i testigo, aparentemente e dos hende hombernan aki tabata trahando riba un auto, ora cu cabes di un di nan a flip di golpi. Esaki a pasa man pa un tubo y a dal e otro riba su cabes.
A bay over pa detene e agresor y a pidi pa transporte policial bin pa hib’e warda di polis.
Mientras tanto a pidi pa ambulance bin n’e sitio pa asina duna e persona herida asistencia medico. No tabata necesario pa hib’e hospital.
