Personanan cu ta contra e lockdown di coronavirus na diferente ciudad Hulandes, a haya nan mes den confrontacion cu polis den fin di siman ora cu e restriccionnan nobo a bay na vigor.
Videonan di e demostracionnan poni riba rednan social ta mustra un publico grandi – mayoria sin mondkapjes – riba bicicleta pa construi baricadanan riba caya, y tirando piedra riba e oficialnan y vannan di polis cu ta pasando.
A destrui tiendanan y a comete sakeo den e negoshinan.
Gobierno a impone e lockdown sperando di por baha plamamento di e variante di COVID-19. Pero e reglanan, manera e TDQ pa 8.30 di anochi y limitando e bishtantenan na un persona pa cas, a lanta rabia bou di e ciudadanonan.
Hulanda tambe a restringi biahe internacional te cu 31 di maart y a limita vuelonan for di Reino Uni y diferente pais Latino.
Na ciudad Urk na Amsterdam, demostrantenan a destrui un centro di test.
Desde diasabra a skirbi mas cu 3600 boet pa violacion di e TDQ. A aresta binticinco persona na diferente localidad debi cu nan a nenga pa move of atrapa ta comete “violencia publico”.
