E hecho cu hobennan di Madiki ta uni atardi riba e veld di basketball ta un tendencia positivo y hasta di aplaudi. Sinembargo, durante Shelter in Place (SIP) a subraya e hecho cu pa evita aglomeracion, ta prohibi hacimento di deporte!
Esey mes a haci cu diasabra atardi, Polisnan a bay atende cu un grupo di hoben hungando basketball riba e cancha situa den Madiki y Paradijswijk. Polis a aplaudi e hecho cu ta busca deporte pa haci, pero a splica e hobennan cu awor esey ta prohibi.
E hobennan a mustra comprension y a opta pa bay cas y leomai e wega di basketball. A encurasha nan pa despues cu elimina e ordo di SIP, cu nan lo por sigui bataya contra otro, den un forma ordena y disciplina, practicando y hungando basketball.
