Como parti educativo, departamenmto di ginecologia hunto cu Dra. Marcela Realpe di Urgent Care Aruba ta presenta su di cinco charla virtual cu lo tin como topico: Fluho Vaginal. E charla lo tuma lugar Diahuebs awor 29 di Juli 2021 pa 3or di atardi ariba pagina di Facebook di Urgent Care Aruba.
E meta principal di e charla ta pa ofrece informacion valioso na e comunidad di Aruba. Departamento di ginecologia kier enfatisa ariba e importancia den normalisa topiconan relaciona cu e parti femenino. Pa es motibo lo elabora ariba causa, sintoma, y tratamento cu e fluho vaginal por trece cune. Durante di e charla virtual (Facebook Live) tur persona tin e oportunidad pa haci nan pregunta relaciona cu e topico.
Alabes e departamento lo comunica tres pakete ginecologico cu a ser introduci na bienestar di e pashent. Y como un danki di participacion na nos charla, Dra. Marcela Realpe lo provee instruccion na con abo por gana pakete ginecologico number 2 cu lo inclui consulta y echo transvaginal.
E intencion como departamento ginecologico ta pa keda presenta mas topico durante aña como guia na e ser femenino. Comunica cu nos si bo tin un topico cu bo lo ta interesa pa ricibi mas informacion. Pa mas informacion encuanto e charla virtual por bishita nos Facebook/ Inbox Urgent Care Aruba, por tuma contacto cu Marketing Department na 5975500, of na 5860448, WhatsApp Customer Service 5975549, of Instagram @arubadoctor inbox.
