Desde prome di January 2023 e departamento di City Inspector ta activo. Awo nan tin seis grupo cu a sali for di DOW of Serlimar bou nan responsabilidad. E grupo aki a habri aña activo. Loke cu e departamento di City Inspector constata, mesora nan ta pone nan ploegnan den accion. Esey a keda demostra den Santana di Gobierno na Playa primeramente. Djey a sali e publicacion di e cantidad di Dump chikito entre casnan social den Bushiri. Aki tambe Departamento di City Inspector den dos dia di tempo a zorg pa nan personal cu a bin acerca lanta tur cos y laga e area limpi atrobe. Minister Ursell Arends ta contento cu e accion di limpieza cu e dianan aki ta tumando luga. Den combersacion cu nos redaccion hasta e mandatario tabata tin palabranan di elogio pa cada accion rapido cu e departamento a tuma. Mientrastanto e eliminacion of reparticion di gruponan encarga cu limpiesa a bin cu su problemanan pa cierto area. Un ehempel ta e area di Santana na Sabana Basora. Eynan tabata tin un grupo encarga cu limpiesa. E grupo aki a haya ok pa tira loke ta sushedad di santana un poco mas pabou den un area. E sushedad aki tey keto bay y awo a bira hopi. E grupo encarga cu e limpiesa na e Santana tampoco tey mas. Nan a movenan y awo e Santana parce ta desampara. Mientrastanto atrobe e Departamento di City Inspector a bay den accion. Nan a bay mira e aglomeracion di sushi procedente di entre otro e Santana. Awo nan a dicidi di bay den accion mesora y ta preparando un limpiesa total pa e area. Di otro banda mester bisa cu e zona di e Santana mester keda wordo manteni. E Departamento di City Inspector ta bezig cu e proceso pa asina siman nobo habri, nan lanta tur e sushedad cu a acumula cual mayoria di e Santana na Sabana Basora. Pa loke ta e otro ploegnan cu tin, no ta tende ki tur of unda nan ta bezig. Uno activo sigur ta esun di Departamento di City Inspector y nan merece un felicitacion pa e bon trabou cu nan ta haciendo.
