Esaki ta figuranan conoci awendia di ta causando un daño grandi na nos turismo. E ta biba den San Nicolas pero ta sali bin te den e area unda turistanan ta hospeda pa drenta y horta. Nan ta volg Airbnb y asina sa precies ki ora cierto cas ta ocupa. Nan sa cu ta casnan di turista. Asina nan sa e fecha cu e turista ta drenta y sali basa riba e ocupacion di e cas.
Via e sistema di reservacion den un forma di ladron profesional nan sa cual cas ta ocupa cual no. Asina nan ta bay den accion. Ta vigila e cas y djey ora e turistanan sali pa bay dinner of disfruta nan ta drenta. Ta horta tur pertenencia di e turistanan. Hopi aparato manera telefon, tablets, laptops etc. Djey ta coy esaki bende cu un cliente vast. Un di e cliente vast ta e comerciante di Solito 72. Eynan tambe a detene un pareha naci na Venezuela cu ta biba aki. Nan ta presta nan mes pa cumpra cos horta for di entre otro German Jacobs. Un investigacion riguroso cu e team special di recherche encarga cu ladronicia na cas a hiba.
Despues di e detencion na Solito e investigacion a sigui y a detene e bendedor. E ta e ladron. Parce tin mas detencion pa cay. Den e caso di Gerard Jacobs a confisca mas cos cu e tabata tin den su poder procedente di ladronicia. E daño cu Gerard Jacobs ta causando na nos turismo ta grandi. Ta bon mes cu ta garando e hendenan aki y asina kita nan libertad cu un castigo bon mereci pa e daño cometi. Te asina leu tin tres detencion. E pareha Venezolano cu ta haci negoshi na Solito 72 cu cos horta y tambe Gerard Jacobs. Lo sigui e caso di cerca pa mira si mas detencion lo bay cay.
