E ta un actividad social cu anualmente un comision di Cuerpo Policial Aruba ta organisa. Ta trata di “Comissie Korpsviering Aruba”, cu tin como meta pa trece no solamente polis sino demas departamentonan hudicial hunto. Semper ta traha hunto y sa topa otro na diferente asistencia policial.
Departamentonan cu sa participa ta; Arumil, KPA, Brandweer, CEA, Wardacosta y Guarda Nos Costa. Den fin di siman, cuminsando for di diabierna, a inicia e weganan di softball. A sigui pa diasabra y a culmina diadomingo. CEA, Arumil y KPA a bataya duro contra otro den fin di siman. E ultimo wega a tuma luga entre KPA y CEA. E polisnan normal ta conoci pa parti klop, pero pa nan prome biaha participando den e evento, e agentenan di CEA a saca cara y a mustra e polisnan con ta hunga softball. A suta e polisnan feroz, e partido a termina 13-5. Comision di Korpsviering ta gradici tur e departamentonan cu a participa y haci nan evento uno exitoso.
