No mucho dia pasa a tuma luga un momento sumamente importante p’un bufete di abogado local. David Kock Legal a cera un aliansa cu un di e top oficina di abogado na mundo. Ta trata di e bufete Diaz-Reus, kende su oficina principal ta situa den Downtown Miami. Diaz-Reus tin presencia rond mundo cu mas di trintitres oficina. Maribel Gomes ta abogado cu ta pertenece na e bufete David Kock Legal. Gomes ta opera for di Corsou. Na Corsou e ta practica “algemene praktijk”, cu enfoke riba derecho criminal y familiar. Durante un entrevista cu 24ora.com na Miami, el a conta cu e acuerdo aki ta algo sumamente grandi pa tanto Aruba, Corsou pero pa abogacia general. Gomes ta mira e aliansa aki como un “extra challenge.” Gomes semper a enfoca riba brinda servicio y awo cu e acuerdo aki, sigui brinda locual nan ta para p’e. For di nan oficina di Corsou, tambe lo por brinda servicionan adicional awo cu e acuerdo aki.
Tocante Micheal Diaz
Micheal Diaz a cuminsa su carera como un fiscal. Desde 1998 e ta practicando abogacia cu a crece cu tempo y awe ta conoci mundialmente como Diaz-Reus & Targ LLP. Diaz ta conta c’un carera di trinticinco aña di experencia. E tin un historia exitoso den atende cu asuntonan migratorio manera recobra VISA, atende cu casonan di corupcion finaciero tanto pa pais como pa individuo. El a atende un cantidad grandi di casonan di labamento di placa y corupcion den gobernio. El a ricibi un cantidad di reconocimento pa su trabou expecional como abogado durante aña.
