Riba e prome diadomingo di luna di juli, polis a hay’e ocupa c’un chauffeur basta “cabes duro.” Tabata alrededor di 7:30 pm cu polis a ricibi informacion di un auto coriendo hopi malo for di San Nicolas pa Playa. A siguie te cu rotonde na Ser’i Tijshi. Comosifuera poco a sosode un accidente entre e auto cu tabata core malo y esun cu tabata su tras.
Na yegada di polis tabata un poco dificil pa comunica cu e chauffeur. E tabata core zigzag y cada rato ta baha fo’i caminda. A haci un test di alcohol cu e chauffeur, e tabata asina intoxica cu e no por a ni supla.
Bou sospechoso di stuur auto bou influencia di alcohol, a bay cu ne warda di polis caminda e lo pasa e proximo oranan tras di tralie.
