Proximamente Corte di Casacion lo mester yega na un sentencia pa loke ta e matrimonio di mesun sexo, si e lo bira un ley of kico lo sali for di sentencia.
Den e pueblo ta reina e sentimento di cu ta warda e proceso di casacion caba prome cu sigui cu e proceso legislativo. Mientras cu nan por cana di manera paralelo. Den un entrevista cu Presidente di Parlamento, mr. Edgard Vrolijk, el a indica cu ora cu no ta bay mita casacion. Cu esaki el a indica cu door cu ta bringa e discriminacion (di exclui e parehanan di mesun sexo di matrimonio), ta ey a yega e discusion di matrimonio di mesun sexo. Pa di dos, e proceso cu a yega na Corte caba, ta mustra un deficiencia: Gobierno no a haci su trabou y Parlamento tampoco.
A bin c’un Geregistreerd Partnerschap, cual Vrolijk mes a calific’e como ‘luchtballon’ cu no ta duna e grupo aki mesun derecho manera tur otro hende. El a bisa di tin respet pa Stichting Orguyo y ta honra nan tambe, cu ta un grupo di ciudadano cu ta bringa pa nan derecho. Nan a bay Corte di Apelacion unda nan a gana nan Caso y aworaki e ta na Corte di Casacion, unda cu tur cos ta mustra cu 99.9% posibilidad di gana nan caso.
Pa mas informacion, lesa TREMPAN.
