“E decision ta tuma: Mi ta keda sirbi mi pais” cu un post bisando esaki y publica riba su cuenta di media social Facebook, asina e parlamentario independiente Daphne Lejuez a anuncia diasabra anochi cu e ta participando den e proximo eleccion.
Aunke e politico femenino, kende den ultimo eleccion a milita den partido MEP, no a specifica na cua organisacion politico e lo afilia su mes e biaha aki; tin rumornan insistente cu Lejuez ya lo a acorda pa forma parti di e lista di Accion 21, lidera pa Miguel Mansur.
Parlamentario independiente Lejuez a inclui den su mensahe cu den e proximo dianan e lo comparti mas detaye tocante su decision.
