Den apenas e prome mey ora di Toque de Queda di diasabra anochi, polis a realisa varios detencion. E accion aki a tuma luga den e bisindario di Saliña Cerca. Varios unidad tabata atendiendo cu diferente persona. Algun tabata den auto, pero uno tambe riba scooter.
E ultimo aki tabata conduci pa propietario di restaurantnan Casa Tua y Bohemian na Palm Beach, kende na boei a splica reportero di 24ora.com cu el a caba di cera su luga y tabata caminda pa cas. E hunto cu e conductor di un Mitsubishi Nativa y chauffeur di un Hyundai Tucson tambe a keda deteni. Den total tres persona.
Mientras cu agentenan tabata warda yegada di vehiculo di transporte, a para algun otro di cual algun tabata turista, y a duna chens pa bay nan luga di hospedahe. Otro tabata un persona local cu tin e papel necesario cu ta permitie ta riba caminda despues di ora prohibi.