E rabia ta creciendo mas y mas den pueblo ora cu hendenan ta sin trabou y ta wordo stroba pa drenta lama pa busca cuminda pa nan mes y nan famia.
Tristo pa mira con otro tata di famia ta perde su libertad. Segun informacion el a core cu su speargun drenta lama pa asina evita cu Polis ta kite for di dje. El a bay tira pisca cu otro amigo patras di Faro. Eynan prome cu el a drenta lama bruto ya caba Polis tabata nan tras den auto. Ora cu nan a para Polis a bay haci control y saca afo cu nan a bay tira pisca.
Nan mester a baha bisti nan ekipo y drenta e lama bruto patras di Faro pa bay tira. Un lama cu tabata sumamente malo. Na dado momento e homber aki inicial B a coy su speargun y core bay na pia drenta e lama bruto. El a bay sconde su speargun pa asina no perde of pa Polis kite for di dje. Segun informacion su amigo di inicialnan J si a keda cu Polis. Despues cu B a sali bek for di lama nan a detene. B ta un tata di famia cu ta biba di pisca cu e mes ta busca. Atrobe ta areanan hopi malo panort di Aruba nan ta drenta pa busca pan pa nan mes y nan famia. Parce cu di ningun forma gobierno kier compronde cu e situacion di e pueblo ta hopi malo.
Ora pueblo busca yudansa ta tur ta wordo manda di cashi pa muraya. Ainda ta wardando e 950 florin cu desde Maart a wordo priminti na e pueblo cu ta sin trabou. Loke ta pasando ta algo hopi tristo y manera cos ta bayendo aki ta miho bo horta y si bo logra tin cuminda na cas. Trabou no tin tog. Si nan garabo y Polis cerabo, bo lo tin tres biaha pa dia cuminda tog. Kiermen esnan cu kier drenta lama bruto panort di Aruba pa busca nan pan ta wordo stroba y hasta perde nan libertad.
Andin Bikker y Chris Romero ta momento pa stop di sigui gaña y manipula pueblo. Actua awor prome cu situacion bira pio den pueblo. Un pueblo sin placa y cu hamber no merece un trato di e forma aki buscando cuminda pa nan famia den lama bruto y peligroso. Gobierno cruel y mandatarionan bibando bon so ta actua di e forma aki contra un pueblo cu hamber y sin cuminda.
