Varios unidad di Polis na San Nicolas a bay pura den direccion di Esso Heights.
A drenta informacion cu tin un pelea formal andando. Ora cu Polis a yega nan a topa un situacion di basta tension. Gritonan tabata bin di varios caminda. Tabata tin baranca benta riba caya tambe.
Polis a cuminsa busca informacion di loke a sosode. Eynan a dicidi mesora di bay over na detencion. E persona deteni a bay cune warda. Esaki a pasa net algun minuut prome cu Toque de Queda.
Un Honda Fit color di oro A-43412 a keda confisca tambe pasobra a manda auto riba hende. E patruyanan cu a bay na e sitio a logra calma e situacion.