Flatscreen parce a bira un item masha gusta pa e ladronnan. Facil pa kita y bay cune y facil pa bende tambe. E ladron aki a ser haya cu flatscreen den e area di Noord.
Polis conoce e persona aki y e no tin manera pa cumpra e flatscreen. Aunke no a gare “Op Heterdaad”, tog nan tabata tin suficiente motibo pa detene y atende cune riba e flatscreen procedente di ladronicia.
A bay cune na warda di Strand Politie y eynan a presente dilanti Subfiscal. Esaki ta djis algun di esnan deteni en e cantidad di ladronicia cu ta tumando lugar sin cu ta garando e ladronnan.
