Un declaracion di Parlamentario Ricardo Croes contra vacunacion, no a cay den bon tera cerca Minister di salud publico Dangui Oduber. “E expresion di Croes ta algo lamentabel, pasobra e ta un di esnan cu ta apoya gobierno. Su colega di partido RED, Rudy Lampe ta conseha tur hende pa tuma e vacuna, pasobra e ta kere den ciencia y desaroya di esnan cu a traha e vacuna.
“Ta lamentabel cu entre nan mes tin un diferencia di opinion. Bo tin fundado di partido ta promove e vacuna, pasobra e ta basa su mes riba ciencia, y bo tin lider di partido cu ta contra e vacuna sin argumento y sin basa su mes riba ciencia. E ta basa su mes solamente riba noticianan cu ta circula riba rednan social of websitenan cu no ta reconoci,” Oduber a bisa.
Esnan cu no ta vacuna, mester ta consciente cu si nan tin un malesa, esaki ta trece riesgo p’e.
Di otro banda Ricardo Croes a baha pisa riba e mandatario. El a splica cu tur informacion cu e ta sigui riba rednan social ta di profesornan di renombre mundial. Awo diripiente informacionnan riba rednan social no ta bon pa Minister Oduber. E ora e ta puntra di con tanto e minister, como DIVG y Crisis Team ta uza tanto Facebook como YouTube, Tik Tok y Instagram
