Parce tin un piroman los den e area di San Nicolas. Recientemente tabatin dos caso di candela, cu no a haya sa ken a cende nan. Awe tabatin otro caso di candela den e mesun bario.
Tabata rond di 1’or di merdia cu un habitante di Weg Rooi Hundo a bati alarma pa un candela basta fastioso. Ta sospecha cu un persona desconoci a cende esaki intencionalmente. Tabata trata di un candela di mondi cu a causa basta molester.
Bombero a yega den un tempo record p’asina combati e candela di mondi. Segun por a compronde di e habitante, no ta prome biaha esaki ta sosode y por ta un peliger pa nan cas.