Diasabra den careda di 12:00AM ta pasa un caso straño riba caminda di De Vuyst na momento cu un damita ta habri porta y sali bula for di auto. Segun por a compronde, cu e persona aki lo a haya un lift pa su cas.
E tabata encontra su mes na Weng kee Supermarket na Santa Cruz y for di akinan a haya un lift cu un homber cu tabata hibando e su cas na De Vuyst San Nicolas. Yegando basta cerca di su cas e damita aki pa un motibo of otro a dicidi di habri e porta y sali for di e auto, y consecuentemente herida su mes basta pisa. El a keda benta meymey caminda cu heridanan serio na su curpa.
Na yegada di polis a pidi presencia di ambulance na sitio cu a transport’e pa Hospital pa tratamento medico. Segun e homber cu a dun’e lift, e damita tabata bou influencia di alcohol.
