Diasabra den oranan di marduga a drenta yamada cu tin un auto coriendo malo riba caminda.
Tabata sospecha cu e ta bou influencia. E tabata riba LG Smith Boulevard banda di Turbo Rotonde direccion pariba. Polisnan tabata cerca y a bay mesora tras di e auto. Banda di Arubus na Playa a para e chauffeur cu e auto. Tabata un damita. A pidie baha. E amigonan tambe a baha.
Despues cu Polis a papia cune no a detene. A purba haya otro hende pa bay cu e auto. No a haya mesora y pesey Polis a dicidi di bay cu e auto warda y laga e damita cu tur su amigonan na pia. E amigonan no tabata comporta nan mes nechi. Tin cu tabata haci expresion mahos.
