Radisson Blu Aruba ta contento di anuncia cu nan a gana e prestigioso premio “Best of Choice” 2024 di Choice Hotels International, Inc. (NYSE: CHH), un di e frankicianan di acomodacion lider na mundo. E reconocimento estimado aki ta destaca e dedicacion excepcional na satisfaccion di e huespednan y e servicio superior cu e hotel a demostra constantemente desde su apertura tres aña pasa.
Entre mas cu 6.500 doño y ehecutivo di hotel, Gerente General di e resort, Luigi Wix y e Director Comercial, Shareska Gutiérrez, a biaha pa Las Vegas pa ricibi e premio, caminda nan a disfruta di un ceremonia inolvidabel. E premio “Best of Choice” ta e forma di premio mas halto den Choice Hotels, otorga na e miho hotelnan den e cadena nacional y internacional di e compania, representando un logro grandi. Como un di e propiedadnan di prome nivel cu ta opera bou di e bandera Radisson Blu, e hotel a demostra un enfoke excepcional riba satisfaccion di e hobennan y dedicacion na servicio superior. Choice Hotels ta evalua e criterionan di adhudicacion via nan rapportnan oficial di clasificacion di propiedad.
For di e momento cu el a habri su portanan tres aña pasa, Radisson Blu Aruba a bira un destinacion faborito pa biaheronan cu ta busca luho moderno, relahacion y un servicio autentico. Dirigi pa un team di liderazgo local dedica, e resort a gana e reputacion di duna experiencianan inolvidabel cu ta mustra e bunitesa y encanto di Aruba. For di nan cambernan impresionante y e comodidadnan te na nan ambiente impresionante y compromiso pa sostenibilidad, e huespednan ta disfruta di un estadia trankil y rehubenecedo na Palm Beach.
Luigi Wix, Gerente General di Radisson Blu Aruba, a expresa su gratitud pa e premio i a bisa: “nos ta sinti nos mes realmente honra di ricibi e premio ‘best of Choice’ di 2024, specialmente pa celebra nos di tres aniversario. E reconocimento aki ta un testimonio di e trabou duro y dedicacion di nos team completo, cu ta constantemente ta esforsa pa duna nos huespednan experiencianan inolvidabel den nos One Happy Island.”
Mientras Radisson Blu Aruba ta sigui skirbi su historia di exito, e premio internacional aki ta sirbi como testimonio di su dedicacion na duna experiencianan excepcional cu ta laga un impresion duradero riba cada huesped.
Radisson Blu Aruba ta orguyoso di forma parti di Choice Privileges, e programa di recompensa premia den cual e miembronan ta gana punto pa e gastonan cu nan ta realisa durante nan estadia, cu por wordo cambia pa anochi di recompensa na casi 7500 hotel di 22 marka situa den 47 pais y teritorio rond mundo cu Mastercard Choice Privileges y Mastercard Choice Privileges Select, miembronan por gana mas punto mas lihe, hasta den nan compra diario.
Pa mas informacion of pa reserva den e hotel premia aki, bishita www.bluaruba.com of https://www.choicehotels.com/aruba/oranjestad/hotels.
Tocante Radisson Blu Aruba
Radisson Blu Aruba ta situa na Palm Beach y ta encarna e esencia di luz Caribense cu un sensacion di hotel boutique. cu su lugá privilegia cu bista riba lama Caribe, e hotel di 156 camber ta ofrece bishitantenan un experencia tropical incomparabel. E compleho ta ofrece suite di un, dos y tres camber cu sala di sosega separa, opcionnan gastronomico di clase mundial y un cantidad grandi di comodidad exclusivo cu ta inclui un spa na e sitio, un gym totalmente ekipa y dos piscina cristalino. Como e unico resort cu certificacion LEED na Aruba, medio ambiente ta prioridad di e cambernan di Radisson Blu Aruba, cu luz di consumo abou, acceso di awa di fluho abou y comodidad ecologico. Pa mas informacion, bishita bluaruba.com.
Tocante Choice Hotels ®
Choice Hotels Internacional, Inc. (NYSE: CHH) ta un di e frankicianan di hospedahe mas grandi na mundo. E lider den luho di categoria superior y lider den hotelnan di categoria estadia medio y prolonga, Choice ® tin mas cu 7500 hotel, representando mas cu 630 000 camber, den 46 pais i teritorio. Un diferente portfolio di 22 marca cu ta varia for di propiedadnan di luho superior di servicio completo te cu di categoria medio, estadia prolonga y economico Ta permiti Choice ® pa satisface e necesidadnan di e biaheronan na mas luga y pa mas ocasion, mientras cu ta genera mas balor pa e propietarionan di frankisia y accionistanan. E programa di premio choice Privileges ® y opcionnan di carchi di credito di marca comparti ta duna e miembronan un manera rapido y facil pa gana anochi di premio- y beneficionan personalidad.
Pa mas informacion, bishita www.choicehotels.com.
