A mara e saya di Aruba su Minister president na conopi pa via cu e no a logra un interes mas abou rib’e prestamo di 916 miyon florin den tempo di Covid. Nos Minister president a pasa den Eerste y Tweede Kamer pa trata na haya un interes mas abao pero sin resultado. E Secretario di Estado Hulandes a declara di no por confia riba minister president su palabra ni su firma.
Na aña 2020 nos minister president den un forma scondi a biaha pa Hulanda y riba e diabierna 13 di November 2020 el a firma pa e COHO. Tambe minister president a firma cu Common Trust Network pa haci Aruba e prome isla den Caribe cu ta join World Economic Forum cu e lema: ”Lo bo no tin nada y lo bo ta contento”. Aruba lo mester bira e prome pais den Caribe cu lo introduci paspoort digital.
E paspoort digital a wordo aproba den Union Europeo. E lo bira un tool pa bo tin bo identidad online. Kico lo aparece den paspoort digital aki ta: bo identificacion, rijbewijs, detayenan di banco, prescripcion di remedi y si bo ta vacuna. Nos sa cu na China asina cu bo comete un infraccion den trafico automaticamente ta kita e suma di e boet for di bo cuenta bancario.
Situacion financiero di pais Aruba ta malisimo a pesar di ta gaba cu nos turismo ta bayendo bon y cu porfin a logra un surplus. A kibra record den turismo pero tambe record den nos situacion financiero. Pais Aruba ta confrontando problema pa paga su debenan. Comerciantenan no kier haci negoshi mas cu pais Aruba paso nan no ta haya nan pagonan corespondiente pa mal maneho di nos gobernantenan.
Helicopter ta na tera paso pais Aruba no ta paga, debe na huurmento di V-wagen ta haltisimo y asina nos por sigui menciona. Nos gobierno ta un bari sin bom. Segun informacion Refineria di Aruba tin un debe di 14 miyon florin. P’esey lubida riba baha prijs di gasolin. For di 2004 gobierno a sinti dushi ora a subi mercado internacional pa fia placa. For di 2004 pa 2023 pais Aruba su debe a crece na mas cu 6 biyon florin. Por gaba cu a bin cu Green Corridor, Watty Vos Boulevard, hospital cu ainda no por keda cla, proyectonan Public Private Partnerschip pero Aruba tin di paga 97 miyon florin pa aña. Unda tur e biyones a bay???
Nos refineria nunca lo habri bao di e gobierno aki paso minister president a firma pa e Desaroyo Sostenibel cu bao di punto 7 di e agenda 2030 ta papia di energia renobabel. Lubida riba apertura di nos refineria bao di e gobierno aki. P’esey a bin cu e molinanan di biento y solar panel. Encuanto di e punto 5 di identidad di genero di e agenda 2030 nos gobierno a bay di acuerdo pues gobierno den su totalidad no por bisa cu nan ta contra.
No tin division den gobierno riba partido di e matrimonio di mesun sexo paso ta algo cu tanto e gobierno actual esta partido MEP y RAIZ pero tambe partido AVP a bay di acuerdo cu n’e. Nos sa tambe cu despues di e matrimonio di mesun sexo lo bin pa legalisa pedofilia paso e ta tambe ta hinca den parti di e Desaroyo Sostenibel.
Nos parlamentarionan supuestamente Cristian cu ta sostene nan gobierno den nan maldad ta mesun culpabel den e desastre aki. Nan interes personal ta bin riba interes di e pueblo Cristian.
Esunnan cu mentalidad di reino ta sembra nan simia den e mundo p’esey mes esunnan cu tin mentalidad di reino nunca di nan bisa ta separa estado for di religion paso unda e husticia di Dios ta den gobierno tin prosperidad. Nos tin un gobierno cu tur dia ta comete inhusticia contra nos pueblo. Nos ta kere cu pueblo lo bay lanta paso ya no por mas. Un cos ta sigur e gobierno aki ta halando su ultimo rosea. Partido Curpa e unico alternativa.
