Dia 2 di sèptèmber Landhuis Chobolobo ta organisá en kolaborashon ku Passionistas un evento grátis ku ta yama Cura Fest 2018.
Mucha i adulto por disfrutá for di 13:00 te ku 18:00 di workshops, muzik, kuminda, produktonan artesano i lo tin ‘tours’ den e fábrika di Landhuis Chobolobo.
Bishitantenan por sera konosí di Landhuis Chobolo ku ta kas di e famoso Blue Curaçao i likùrnan di otro sabor. Durante e ‘tours’, guianan lo splika di e historia di Landhuis Chobolo i ta posibel di purba e diferente likùr. E shòp i bar tambe ta habrí.
E empresarionan i hòbiista ku ta afiliá na Passionistas lo bende diferente produktonan artesano, obra di man i kuminda. Pa muchanan i adulto tin diferente workshop kreativo. Muchanan por disfrutá di e ‘bouncer’ ku Landhuis Chobolobo i Passionistas lo pone speshal pa e dia. Ademas tin un presentashon di baile di grupo Folkloriko Ambiente Kultural, muzik di DJ Mitch Devtiq i e banda lokal The Company Tropical Music. The Company Tropical Music ta un banda nobo ku ta konsistí di diferente kantante i tokadó den e mundo di muzik Latino Amérika manera salsa, bachata, merengue. Entrada di Cura Fest 2018 ta kompletamente grátis.
