Dialuna den oranan di mainta polis y dos ambulance a bay altura di Pacifico Bar Restaurant, unda un accidente di trafico a sosode y tin hende herida.
Na yegada di polis di trafico ya ambulance tawata tratando un di e heridonan cu tawata sinta patras den e Toyota Corolla. Den e mesun auto aki, paramediconan cu a yega cu e di dos ambulance pa controla un mucha homber di 4 aña, kende a bisa cu e tin dolor na su pia drechi.
Segun su wela cu tawata na stuur, e mucha lo a cay y dal su curpa durante e impacto.
Loke a sosode
Na e sitio nos a papia brevemente cu e turistanan cu tawata envolvi, y un di nan a conta cu e tawata bayendo pa Casibari Rock Formation.
Debi cu nan a faya e birada pa drenta e caya dilanti e Supermarket nan a drenta e parkeerplaats di Pacifico.
Eynan segun nos a compronde un auto lo a dun’e un chance, door di tawata zwaai cu man. Momento cu el a tuma e chance e Corolla tawata bayendo direccion pabou y aki ta caminda el a medio perde control sigui bay basta mas pabou subi acera na su man drechi.
E otro autonan cu lo a haya dañonan chikito tambe a para y warda ariba polis. Un di nan ta e Hyundai Accent shinishi cu ta un v-car. Pazuid dilanti Pacifico Bar Restaurant un SUV Mitsubishi lo bay maniobra pa wordo gedal, a dal su wielnan na e acera y tawata kier pa polis tuma nan declaracion tambe.
