Diamars anochi polis a bay den accion ora a bati alarma pa cuater turista perdi riba lama. Tabata alrededor di 7:00 pm ora cu a cuminsa cu e buskeda riba lama. Helicopter di polis hunto cu boto a busca basta miya pabou di nos isla pa e cuater turistanan aki.
Segun informacion ricibi, nan tabata riba un chup di aire, y coriente a hiba nan basta leu for di tera. Parce, cu ta riba dos chup nan tabata, pues cuater persona riba dos chup. Te cu 8:30 pm, no a topa cu nan.
Awo, tin di bay saca afo ken t’esun cu a bati alarma y pa confirma si ta un informacion veridico of no. E hecho ta cu; polis a bay den accion mesora, pero no a topa cu e personanan aki. 24ora lo sigui monitor e noticia aki, pa wak si a topa cu nan of si ta trata di un “false alarm.”
