Dialuna den careda di 8:26PM a sosode un accidente un biaha mas na e crusada di Palm Beach. E accidente aki un biaha mas tabata pa falta di preferencia. E accidente tabata entre un Hyundai Accent color shinishi V-4266 y un Kia Rio color blanco nr A-8686.
Polis a yega na e sitio pa atende cu e accidente aki, pero di biaha a pidi asistencia di ambulance. Dos unidad di ambulance a presenta pasobra e impacto tabata basta fuerte, unda cu cuater persona a resulta herida.
E paramediconan a opta pa hiba e dos personanan di e KIA pa hospital, unda nan lo ricibi atencion medico avansa.
E impacto tabata asina fuerte cu ambos auto a ricibi hopi daño material. E motibo di e accidente aki tabata pa falta di preferencia. Pa basta luna e luznan no ta den funcion y na e crusada aki a sosode hopi accidente.
