Dialuna pa mas of menos 8:30PM a sosode un accidente na altura di Brazil entre un Mitsubishi Lancer shinishi y un Kia Rio blauw scur. E accidente aki a pasa na momento cu Mitsubishi a sali for di e T-kruising y e chauffeur a tuma un bocht mucho grandi.
Consecuentemente el a dal den un Kia Rio cu tabata pasa e momento ey. Polis di trafico a presenta y atende cu e caso. Despues di a papia cu e chauffeur di loke a pasa, tambe a bin compronde cu e homber tin problema cu blaas y door di susto a pishi su mes. E agente policial a papia cu ne y despues a bis’e p’e bay cas tranki.
