Riba caminda grandi di Rooi Santo na Noord a sosode un accidente basta fuerte entre cuater vehiculo caminda hende a resulta herida. Aproximadamente 11:00 am a tuma luga un accidente basta complica caminda un vehiculo a bay dal den un otro y consecuentemente esaki a bay dal den otro vehiculo staciona cu tambe a bay dal den un otro.
Polis a presenta pa atende cu e trafico mirando cu un di e autonan tabata riba caminda y no por a move mas. E otro vehiculonan tabata un banda di caminda, tras di otro y cu basta daño material.
A pidi ambulance na sitio mirando cu tabatin mas cu un persona cu a resulta herida.
