Diabierna den oranan di merdia Corte a trata e caso penal contra e homber Dylan Guerrero, naci na Ecuador, acusa di a causa un accidente fatal na final di november aña pasa.
E tabatin tres acusacion contra dje di cual e prome tabata di core iresponsabel, of core di tal forma cu e ta responsabel di e accidente fatal; na di dos luga a acus’e dia bandona e sitio despues di e accidente y na di tres luga a acus’e di maneha auto sin rijbewijs.
E tratamento a tuma luga den presencia di tanto famia di e victima Ana Rosa Montaño Martínez como di e acusado.
Despues di e tratamento, Fiscal a pidi un castigo di 4 aña di cual 6 luna ta condicional y tres aña di prueba. Tambe a exigi cu durante cinco aña e no por maneha auto.
Aki tres siman, dia 22 di september, tin sentencia den e caso.