Diahuebs atardi Elvis di Truescore California y John Travolta for di Brazil a yega Aruba. Elvis di Truescore ta percura cu e sistema electronico. E sistema aki ta loke a uza den dos olimpiada.
A inaugura e headgear na Aruba den Best of the Best. Elvis su tarea ta pa percura cu e sistema electronico funciona optimal. Tambe pa wak si e campeonato ta bay segun e reglanan di Truescore.
Den tur campeonato cu Brazil Taekwondo Stichting organisa, mester tin un referee internacional. E ta un di e reglanan di Truescore y Elvis lo controla e trabou di e referee. Tabata tin diferente referee internacional na e campeonatonan pa sigura cu Brazil Taekwondo Stichting ta bay scoge bon referee pa Best of the Best Truescore 2023.
Diasabra dia 2 di september ta tuma luga e Ultimate Taekwondo Cup. Ultimate Taekwondo Cup ta e ultimo oportunidad pa e participantenan sigura nan participacion den Best of the Best Truescore 2023. E evento ta cuminsa 8:00 am den Centro di Bario Brazil.
