Hues no a mira motibo pa desvia di e exigencia di fiscal contra e homber Kendrick Wernet, acusa di a viola ley di droga. A acus’e di a trata di exporta 175 kilo di cocaina, scondi den saco cu hariña blanco.
E homber di 38 aña’ki den pasado tabata envolvi den otro caso, pero e pruebanan no tabata suficiente. Pero e biaha’ki otro guy a canta.
E sentencia a bay hopi rapido. Manera cu el a drenta, den tres minuut ya caba e tabata bayendo direccion di e celnan patras na Corte, en espera di su transporte bek pa KIA.
Hues a bisa cu e defensa di abogado ta wordo rechasa. Pa cuminsa Hues a splic’e cu Corte ta haya e ponencia treci dilanti cu e acusado no tabata sa cu e saconan tin droga den nan no ta un version cu nan por kere.
Pa esaki a conden’e na 4 aña.
Lesa un relato amplio den TREMPAN.
