Campeonato HEINEKEN fast pitch 2018 dedica na baluartenan Wiwi Maduro y Chin Thiel a continua riba veldnan di Pos Chiquito. Den categoria A-Klas Celebrities a midi forsa contra Blackhawks.
Celebrities dado momento tabata tin e wega completamente domina ganando 7-0. Poko poko pero sigur e equipo di Blackhawks a keda pone precion cortando e ventaha te dado momento e wega a bira 7-6 cu dos out den ultimo chens pa Blackhawks cu un coredor na base momento cu Rodney Kelly ta caba cu tur speransa depositando un lansamento patras di cura pa laga Celebrities den tereno ganando 8-7. Blackhawks 8 careda, 7 hit, 2 error y ta laga 5 coredor den circulacion cu un averahe como team di 26-7 bon pa 269. Celebrities 7 careda, 10 hit, 2 error y ta laga 7 coredor na base batiando 25-10 como equipo pa un averahe di 400.
Rodney Kelly kende ta drenta releva Santiago Gratero ta resulta pither ganador. Jose Baez kende ta releva Gregory Manuel Jr den di 4 inning ta bay cas cu e derota. Rodney Kelly ta lansa un total di 66 lansamento 37 bola y 29 strike y un ERA di 1.75. Mihoe bateadornan pa Blackhawks ta Tyrone Punselie y Rodymar Geerman ambos di 3-2. Pa Celebrities a destaca den causa perdi Wensley Kock y Rudy Dirks di mil punto esta di 2-2, Jose Baez, Jeremy Geerman, Ruwin Tromp tur di 2-1. Weganan femenino ta continua diasabra awor cuminsando pa 6pm na veldnan na pos chiquito unda Lady Blue Marlins lo debuta contra Tanki Leendert Girls y pa 745pm Jaguars Vitamin Water lo enfrenta Eagles. Fanaticada ta keda cordialmente invita.
