Cu un caravana sumamente musical y cu un masa gigantesco, partido MEP a yega Censo pa asina entrega su lista.
Lider di partido Evelyn Wever-Croes, den compania di demas candidatonan y apoya pa e sostenedornan, nan ta yega Censo. Segun Wever-Croes, nan a haya un tiki contratiempo di parti di polis, y mester a pasa na banda, pa asina strobanan pa nan ta precies na ora.
Glenbert Croes a expresa cu nan ta contento cu e acogida cu nan a haya na momento cu nan a bay entrega nan lista. Esaki, segun Croes, lo ta e lista victorioso. Nos Pueblo kier un cambio y MEP ta e unico partido cu por bin cu e cambio aki. MEP ta representa e cambio eynan, y pesey ta trahando duro pa dia 22 di September, nan cumpli cu e milager cu henter e pueblo ta anhela pa mira un Gobierno di pueblo wordo eligi, cu ta traha pa pueblo y trece e alivio tan anhela.
Dangui Oduber tambe tabata tey y a mustra riba e multitud cu tabata tey presente. E cambio ta inevitabel el a bisa y na un manera trankil a yega censo y satisfacho. Pueblo lo dunanan e mandato pa cambia direccion di e pais aki. Nan tur merece progreso mirando e multitud cu a compaña nan.
Evelyn Wever-Croes, como lider, hunto cu e candidatonan a pasa paden pa asina entrega e lista.
Por a mira caranan conoci den e partido y hunto cu su suplente, kende ta Xiomara Ruiz-Maduro, a entrega e lista na miembronan di Conseho Supremo Electoral.
Un lider sumamente satisfecho cu entrega di e lista, ta expresa su alegria cu un lista, cu segun nan, ta uno victorioso.
