Den un partido cera y cu un autogol di Aziz Bouhadouz, Iran a logra un victoria inespera den e prome partido di grupo B, disputa diabierna den e stadion di St. Petersburg.
Suerte a hari e Asiaticonan, kendenan a gana nan di dos partido den tur su participacionnan den e mundialnan. E prome tabata na Francia 1998, ora cu nan a gana Merca 2-1.
E Iraninan a probecha un faya di e lateral pa bay cu tres punto den un partido hopi cera, cu Morocco a domina, pero no a sa di resolve. E inexperiencia y e ansiedad a cobra Bouhaduz un mal pasada, kende den un centro for di e banda robes, kier a despeha e bala y a delanta den e defensa, cu asina mal suerte cu e impacto di cabes a laga sin ningun chens na e portero Maroki, Munir Mohand, di evita e derota y e desgracia.
Caranan largo a compaña e Africanonan den nan debut, kende entre otro cosnan, a bin ta perde e oportunidad di organisa un Mundial. Diaranson ultimo FIFA a entrega esaki na Merca, Mexico y Canada, e elaboracion di e Copa di Mundo di 2026.
Foto: FIFAⓒ
