Diamars anochi, alrededor di 7:30 pm a sosode un accidente na Santa Cruz. Pa ta exacto, net riba e caminda grandi net poco panort di e t-kruising.
Polis a cera e caminda ora cu nan a yega. Segun informacion ricibi na sitio, un hende muhe na stuur di e auto marca Mitsubishi modelo Lancer tabata rib’e caminda direccion Piedra Plat, pa un of otro motibo un auto marca Subaru modelo Legacy den trafico contrario a dal den dje. E chauffeur di e Mitsubishi a purba di hala na su man drechi pero no por a evita cu e Subaru a raspa su auto patras n’e banda robes.
Miientras cu polis tabata atende cu ambos partido, nan a cuminsa sospecha cu e chauffeur di e Subaru tabata bou influencia di alcohol. A laga e chauffeur supla y a resulta cu el a surpasa e limite permiti. Mesora a detene e chauffeur y a transport’e pa warda di polis caminda e lo mester duna cuenta di su actonan.
