E presencia di Covid-19 awor ta practicamente tur caminda. E ta causando tambe cu e produccion na trabou a cay masha hopi. Un hende test positivo ta bira manera un panico na trabou entre demas coleganan. Aunke ta busca manera di controla e situacion, toch esaki ta trece momentonan di preocupacion. St Annaschool na Noord tambe un alumno di un klas 1A a test positivo. E mayornan a notifica scol mesora. Pesey mes cabesante di St Annaschool a saca mesora un carta dunando e informacion riba loke ta e situacion. Mirando cu e studiante a test positivo, a dicidi di cera e klas 1A pa 14 dia.
Esey nifica cu mayornan cu tin mucha den klas 1A mester monitor nan yiu durante e Cuarantena aki. Si nan sinti algo bay dokter mesora. E docente den e klas tambe mester keda cas. St Annaschool mientrastanto ta sigui traha cu tur e protocolnan necesario cu DVG a pone. Asina hunto ta purba controla y pa baha e cantidad di casonan di COVID cu tin actualmente na Aruba.
