Costa Linda Beach Resort ta masha orguyoso di anuncia cu 7 di su empleadonan a caba e curso di “Aruba Certification Program” cu exito. Di e forma aki e hotel ta garantisa su huespednan cu e nivel di servicio ta superior y cu e empleadonan ta miho prepara y capacita pa ofrece un nivel di servicio y conocemento di nos isla superior.
E programa di certificacion aki tin como meta pa crea y desaroya un forma uniforme y consistente di conocemento di e industria turistico di nos isla. Nos cordialidad y hospitalidad ta factornan importante cu ta contribui na excelencia den servicio.
Den cuadro di e nivel halto di servicio cu Aruba kier brinda nos huespednan, ta enfocando riba e topico di sostenibilidad y conscientisa comunidad pa ta feliz pa asina por hiba nos na bishitantenan contento tambe.
