Probablemente e dos abogadonan, conoci pa bringa casonan pa e Gobierno actual y companianan di gobierno, nunca por a pensa cu un dia nan lo haya nan dilanti Raad van Toezicht op de Advocatuur in Aruba y haya un castigo. Ningun abogado ta desea di tin un castigo asina riba nan nomber den nan carera pasobra e ta atacha nan integridad y ta demostra cu nan a comete erornan grave den nan trabou. Cu e sentencia di Corte di dia 9 di juni ultimo, tanto abogado mr. Hendrik Croes como mr. Anthony Ruiz awor ta condena y oficialmente señala pa no ta integro.
Hues a duna nan un castigo separa, di cual Hendrik Croes a ricibi esun mas pisa. Probablemente pasobra a considera cu e tin hopi mas aña di experiencia y lo mester por sa miho. Nan a haya tres siman pa apela e decision, den caso cu nan no ta di acuerdo cu e castigo impone riba nan nomber.
Ta e “wega” cu nan a bay hunga na november aña pasa, pa laga un empleada sali cobra Jan de Ruijter un suma di 52 mil florin den un supuesto caso cu e lo tabatin contra Island Finance. E “joke” ey a sali e abogadonan caro pasobra awo oficialmente ambos tin un castigo riba nan record. Pa mas detaye di e caso y e decision completo, lesa TREMPAN.
