Recientemente a tuma luga un bunita gesto di parti señora Zus di Plasa Bieu y su team na e clientenan di Centro di Detencion y Coreccion Corsou. Esaki ta den cuadro di un gesto cu señora Zus a duna na tur e clientenan di e prizon.
Señora Zus y su team a cushina 2 diferente plato, entre otro galiña stoba y tambe yambo special pa e clientenan di SDKK. Tur esaki como muestra di aprecio y amor na e clientenan cu ta encarcela den prizon. Bou di coordinacion di señora Zus conhuntamente cu Chef Cook di prizon de Windt y Personal di SDKK. Hunto a haci entrega di mas cu 500 plato.
Na e ocasion aki tambe tabata te’y presente vocero di SDKK Pinedo y Hefe di Detencion Hasselmeijer. Na nomber di e clientenan y gerencia di SDKK, a yama señora Zus di Plasa Bieu y su team masha danki p’e bunita gesto haci na prizon.
