Desde cu Aruba a haya likides di sosten, Hulanda a pone un di e condicionnan pa recorte den cuido medico. Ta trata di 60 miyon, pero gobierno no ta di acuerdo cu esaki. Hulanda keto bay ta sigui exigi e recorte aki.
Durante conferencia di prensa, periodista Sharina Henriquez di Caribisch Network, a puntra minister presidente riba e recorte di 60 miyon cu Hulanda a exigi. mr. Evelyn Wever-Croes, minister presidente, a indica cu Hulanda keto ta bay ta uza e recorte di 60 miyon den cuido medico como un condicion firme. Ora yega 50 pico asina mes nan a bisa no a yega 60 miyon. Minister Oduber ta preparando un plan di alternativa, di cual e ta bay delibera cu CFT proximamente.
Den e sector di salubridad, ainda tin e recorte di 5.5%, salario di e trahadonan, e specialistanan, etc. Segun e mandatario, esaki ta 30 miyon florin y si stop esey, e ora mester busca e binti pa trinta miyon un otro caminda. Di unda por saca esey, segun Wever-Croes, e no por bisa esey.
A pidi minister Oduber p’e sigui traha riba esaki y yega na un areglo cu CFT. Asina ey gobierno por cuminsa kita e recorte cu tin den cuido.
Pa mas lesa TREMPAN.COM.
