Tin un delegacion di Hulanda na Aruba den cuadro di un museo cu lo bira realidad na aña 2028 na Amsterdam, Hulanda. Entre nan, ex-parlamentario John Leerdam kende ta un di esunnan cu ta forma parti di e comision pa haci e proyecto aki posibel. E museo lo ta uno basa riba historia di esclavo. Gran parti di e historia aki ta echonan cu a tuma luga entre e islanan di Caribe Hulandes y Surnam.
E delegacion ta bishitando tur e islanan p’asina recluta mas hopi informacion posibel den cuadro di e proyecto di e museo aki. Durante nan bishita na Aruba nan a bishita Gabinete di Gobernador, Prome Minister, Representante di Hulanda na Aruba y tambe cu e artistanan cu ta forma parti importante di e historia na Aruba, incluyendo Archivo Nacional Aruba.
Geemente Amsterdam t’esunnan cu a cuminsa cu e iniciativa aki. Leerdam a splica cu nan lo bishita Aruba mucho mas biaha den cuadro pa realisa e historia aki. Na Hulanda mes casi no tabata di esclavo, compara cu e islanan; Aruba, Corsou, Boneiro, Surnam etc. Durante nan encuentro cu diferente stakeholders dialuna atardi, por a mira presencia di director di Biblioteca Nacional, Presidente di Stichting Rancho y varios personahe conoci den nos comunidad.