Recientemente Refineria di Korsou (RDK) a logra converti un miyon di crudo di PDVSA den su propiedad y di e fondonan aki, fondonan local hopi necesario pa RDK y gobierno, e grupo local Curaçao Oil Refinery Complex (CORC), lo haya esaki na su turno. Esaki lo facilita nan of lo haya e fondonan aki presta pa por paga e salario di 500 trahado entrante dia 1 di juli 2021.
RDK vs e trahadonan
RDK no por sigui paga salario despues di dia 30 di juni. Si RDK hacie despues di e finalisacion di e contract dia 30 di juni, e trahadonan lo bira den trahadonan fiho di RDK. E contractnan extendi a traves di e añanan despues di e terminacion di e contract cu PDVSA na final di 2019 di acuerdo cu leynan local, ta pone RDK den un mal posicion, si extende un contract di trabao. Esaki por haci cu e trahadonan por reclama nan status fiho di trabao cu RDK.
CORC e grupo local
E grupo local cu a firma cu RDK prome cu eleccion cu a tuma luga na maart 2021, segun segun fuentenan yega na e refineria, no tin confirmacion cu e empresario cu ta na cabes di CORC lo por a garantisa y demostra e fondonan pa e tumamento di posesion. No tin prueba di e fondonan demostra te cu awor pa e mas di 500 trahadonan of 1000 futuro cupo di trabao. No tin prueba di e placa necesario pa pone e refineria den marcha, ni garantia di suministro di petroleo crudo, ni garantia di compra di productonan refina, ni garantia di placa pa mehora e instalacionnan di e refineria pa cumpli cu e normanan ambiental asina necesario.
Tur cos ta indica cu e gobierno nobo cu lo instala e siman aki lo adopta un otro acuerdo traha pa e gobierno saliente cu no a cumpli pa ponemento den marcha y operacion di e refineria na Schottegat, manera cu a priminti despues di varios intento.
