Bhajan Anthony Deo Rampersaud di 45 aña, a pasa di ta un empresario respeta na Barranquilla, rondona pa luho y excentricidad, pa pasa su dianan den un cel, na espera di loke a bisa ta su situacion hudicial pa narcotrafico.
Polis Antinarcotico a gara algun siman atras Deo Rampersaud, conoci como e ‘Sheik di Cocaina’, indica di ta e cabes di un organisacion transnacional dedica na e trafico di droga na Corsou.
A coordina e operacion cu e Agencia Antidroga di Merca, DEA, cu tabata investig’e pa ta un di e presunto conexion cu Dario Antonio Usuga David, ‘Otoniel’, hefe di ‘clan del Golfo’, e red di narcotrafico mas grandi e pais Colombiano.
‘El Jeque de la Cocaina’, manera cu e ta conoci, tabata encarga pa laba placa, miyones di dollar, producto di e actividad ilicito pa Otoniel. Su fachada parce tabata compra y benta di oro.
E homber tabata conoci na Barranquilla pa realisa fiesta estilo Arabe, personanan tabata asisti bisti di acuerdo cu e cultura aki. E hecho aki a pone riba radar di autoridad, ademas di su luhonan excesivo.
Di gustonan refina, e ‘Sheik di Cocaina’, tabata frecuenta restaurantnan exclusivo, club den compania di un grupo di escolta, loke a hacie considera como un ‘narco puro.’
