Seis compania Hulandes a firma awe nan participacion cu e Smart Community Aruba, cu na e momento aki ta den construccion. Cu e participacion aki nan lo pone nan solucionnan sostenibel na disposicion di Smart Community Aruba. Representantenan di e companianan a firma un Memorandum of Understanding di cooperacion cu TNO. Esaki a tuma lugar na Cas di Aruba den presencia di Minister Plenipotenciario Juan David Yrausquin.
E seis companianan cu a firma e MoU ta Accenda, AVZ, Dr. Ten, Flexsolsolutions, Maru- Systems y Netinium. E proyecto di Smart Community ta wordo coordina pa TNO y e realisacion ta den man di un consortio cu ta consisti di Pais Aruba, FCCA, Utilities Aruba, WEB Aruba NV, ELMAR NV y SETAR. Smart Community Aruba ta un bario experimental, unda companianan por desaroya nan producto of servicio duradero y laga test y demostra nan. E bentaha di e Smart Communitu ta cu nan por haci e testnan y demostracionan aki den un ambiente realistico – cu ta unda tin casnan cu hende ta biba – y esaki cu sosten di TNO. Participacion na e Smart Community ta interesante principalmente pa companianan chikito y mediano cu no tin facilidadnan propio pa haci testnan. Smart Community ta consisti di binto cas y un visitor center. E proyecto ta planea pa keda cla pa 
fin di e aña aki.
